Приус Центр нь инженер, механик, засварчдынхаа мэргэжлийн ур чадварыг үнэлж, бүтээлч сэтгэлгээ, мэдлэг чадварыг сорьсон “Ур чадвар 2025” тэмцээнийг амжилттай зохион байгуулж, шилдгүүдээ тодрууллаа.

Хагас жилийн хугацаанд бүхий л оюун ухаан, ур чадвар, хүч хөдөлмөрөө дайчлан бэлтгэгдсэн тус тэмцээнд Приус Центрийн 11 салбарын 200 гаруй механик, засварчид оролцсон бөгөөд нийт 131,000,000 төгрөгийн шагналын сантайгаар дараах гурван үе шаттайгаар зохион байгуулагдсан юм. Үүнд:

• Онолын шалгалтын тест

• Ганцаарчилсан ярилцлага

• Практик гүйцэтгэлийн сорил

Эхний шатнаас 60 оролцогч, хоёрдугаар шатнаас 30 оролцогч шалгарч, эцсийн шатанд өрсөлдсөн 30 оролцогчоос Топ 10 байр эзэлсэн шилдгүүд тодорлоо.


Шилдэг 10 оролцогч:

1. Т.Дэлгэрдалай – Энхтайван салбарын Ахлах механик

2. Н.Бүтэнбаяр – Гандан 1 салбарын Ахлах механик

3. Б.Анхбаяр – Гандан 1 салбарын Ахлах механик

4. А.Балжинням – Зурагт салбарын Ахлах механик

5. Ч.Тайванжаргал – Гандан 1 салбарын Ахлах механик

6. Б.Төмөрчөдөр – Гандан 2 салбарын Механик

7. Г.Сэр-Од – Таван шар салбарын Механик

8. Б.Анхбаяр – Гандан 2 салбарын Механик

9. Н.Мөнх-Эрдэнэ – Гандан 2 салбарын Ахлах механик

10. Д.Балжинням – Таван буудал салбарын Ахлах механик

Шилдэг оролцогчид 6,000,000₮-20,000,000₮ хүртэлх мөнгөн шагналын эзэд болсон бөгөөд 1-р байр эзэлсэн Т.Дэлгэрдалай 20,000,000₮-ийн шагнал хүртлээ.

Mentor Engineer-үүдийн шагнал
Энэ жилийн тэмцээний онцлох үйл явдлын нэг нь ментор инженерүүдийг Good Mentor, Best Mentor, Top Mentor гэсэн ангиллаар анх удаа шалгаруулсан явдал байлаа. Тэд дараах байдлаар шагнууллаа:

• Good Mentor – 5,000,000₮:
  Б.Мөнх-Эрдэнэ (Гандан 1 салбарын инженер)

• Best Mentor – 8,000,000₮:
  А.Цолмон (Энхтайван салбарын инженер)

• Top Mentor – 10,000,000₮:
  С.Очиржанцан (Гандан 2 салбарын инженер)

Тэмцээний явцад оролцогчдын онолын мэдлэг, бодит гүйцэтгэл, харилцааны ур чадвар, хурд болон бүтээлч байдлыг харгалзан үнэлж, мэргэжлийн өндөр шалгуураар шилдгүүдээ тодруулсан нь “Ур чадвар 2025” тэмцээний гол онцлог байлаа.

Приус Центр нь өдөр бүр инженер, механик, засварчдынхаа ур чадварыг тасралтгүй хөгжүүлж, үнэ цэнтэй боловсон хүчнийг төлөвшүүлэхийн төлөө тууштай ажилласаар байна.

Автомашиныхаа техникийн үйлчилгээ, засварыг бидэнд итгэн даатгаж, байнга хамтран ажилладаг эрхэм хэрэглэгч та бүхэндээ баярлалаа!

Автомашины оношилгоо, засвар үйлчилгээний салбарт тэргүүлэгч Приус Центр нь салбартаа анх удаа ISO9001:2015 Чанарын удирдлагын тогтолцоо болон ISO45001:2018 Хөдөлмөрийн эрүүл мэнд, аюулгүй байдлын удирдлагын тогтолцоо зэрэг олон улсын хоёр томоохон стандартыг амжилттай нэвтрүүлж, албан ёсны баталгаажуулалтын гэрчилгээгээ 2025 оны 4 сарын 16-ны өдөр гардан авлаа.

Манай байгууллага 2019 оноос эхлэн чанарын удирдлагын тогтолцоог хэрэгжүүлж, автомашины оношилгоо, засвар үйлчилгээний салбарт стандартчилагдсан, тогтвортой, чанартай үйлчилгээг нэвтрүүлэхэд манлайлан ажиллаж ирсэн билээ.
Бид “Нэгдсэн менежментийн тогтолцоо”-ны хүрээнд мэргэжлийн оношилгоо, инженерийн шийдэл бүхий засвар үйлчилгээг олон улсын шаардлагын дагуу, хэрэглэгчдийн хэрэгцээ, хүлээлтэд нийцүүлэн гүйцэтгэх, үйлчлүүлэгчдийн сэтгэл ханамжийг нэмэгдүүлэх, хөдөлмөрийн аюулгүй байдлыг эрхэмлэн дээдлэх зорилттойгоор ажиллаж байна. Энэхүү менежментийн тогтолцооны стандартыг нэвтрүүлснээр бид засвар үйлчилгээг технологийн картын дагуу гүйцэтгэдэг болсон бөгөөд үйлчлүүлэгч болон ажилтны эрүүл ахуй, аюулгүй байдлыг бүрэн ханган ажиллах нөхцөл бүрдлээ.

ISO9001:2015 болон ISO45001:2018 стандартуудын баталгаажуулалтын гэрчилгээ нь Австралийн JAS-ANZ, Америкийн IAS, UAF зэрэг олон улсын итгэмжлэл бүхий байгууллагуудаар хүлээн зөвшөөрөгдсөн AQMCS Mongolia байгууллагаас олгогдсон юм. Манай тогтолцоог амжилттай нэвтрүүлэхэд “Ололт амжилтын түлхүүр” консалтингийн компани мэргэжлийн зөвлөх үйлчилгээ үзүүлэн хамтран ажилласныг онцлон тэмдэглэхэд таатай байна.

Энэхүү томоохон амжилтыг бидний итгэлтэй харилцагч, хэрэглэгч та бүхний дэмжлэг, итгэлцэлгүйгээр төсөөлөхийн аргагүй билээ. Та бүхэндээ чин сэтгэлийн талархал илэрхийлье. Цаашид бид ЧАНАРЫГ чухалчилж, олон улсын стандартад нийцсэн аюулгүй, найдвартай үйлчилгээг тогтмол хүргэсээр байх болно.